Корпоративни Вести

Имате време до крајот на возењето во лифтот да го продадете својот производ. Следат правила за тоа како истото да го направите и вие

Кратка и јасна продажна презентација на англиски се нарекува „elevator pitch“, понуда од лифт. Зошто баш лифт? Името потекнува од самата идеја дека презентацијата треба да биде доволно кратка за да можете да му ја преставите на директорот или друго одговорно лице, за време на случајно возење во лифтот, доколку налетате на него.

Во реалноста, „elevator pitch“ се однесува на било која врста на вербална презентација во траење од 3 минути, во која продавате идеја, производ, услуга или собирате финансии за својата компанија. „Elevator pitch“  воедно е и одлична вежба за говорот и за добро структуирање на деловните понуди.

Во продолжение се неколку начини за тоа како можете да структуирате совршен „elevator pitch“:

1.    Воспоставете кредибилитет
На почетокот јасно претставете сте кој сте и што работите. Важно е во една до две реченици да се одсликате како личност којашто е релевантна за индустријата и подрачјето во коешто делувате. Добар пример би бил: „Работам во фармацевтска индустрија веќе 15 години, а бев и на менаџерски позиции во две големи фармацевтски компании.“ или „Основав start-up со којшто веќе 3 години работам како програмер за американска компанија“. Не одолговлекувајте и не го рецитирајте Вашето CV. Доволна е кратка изјава во којашто ќе се позиционирате.

2.    Најавете што посакувате
Во следните две до три реченици треба на соговорникот да му најавите што ќе му кажете до крај, односно што ќе побарате од него, која е целта на вашето обраќање. Тоа би изгледало на следниот начин: „Ќе ви кажам неколку зборови за тоа зошто мислам дека нашата компанија ќе расте со стапка од 20% годишно и зошто ве повикуваме и вас да ни се придружите“

3.    Објаснете го производот којшто го продавате
Овој дел е сржта на вашето обраќање. На него можете да потрошите најмногу време. Само бидете концентрирани на тоа да нагласите зошто сте подобри од конкуренцијата.

4.    Објаснете ја вредноста и корисноста којашто прозиводот ја нуди на потрошувачот
Ако продавате производ, сега е правилното време кадешто можете да кажете кои се корисностите коишто истиот ги нуди на вашите купувачи (ниска цена, низок трошок на одржување, програм на лојалност, квалитетна опрема...). Ако сте во потрага на инвеститор за својата компанија, набројте ги изворите на приходот (продажба на производи или услуги, наплата на советодавни услуги, организација на настани и сл.)

5.    Повикајте на акција
На крајот кажете му на соговорникот во лифтот дека би сакале да го видите него како инвеститор или неговата компанија како партнер. Додадете дека сега, на почетокот, достапни се одредени попусти и поволности коишто подоцна ќе ги укинете. Тоа е моќна техника заснована на сравот од пропуштање.

Ако сте направиле се како што треба, вашиот соговорник во тој момент ќе го побара вашиот контакт или ќе ви каже каде можете да се најдете и да го продолжите разговорот. Честитаме!!!