Имплементирање на одредбите од правилникот за користење на дигалки и индустриски транспортери
Дали поседувате дигалки и индустриски транспортери (крански, портални, возила со монтирани дигалки за подигнување на лица и товар, виљушкари, транспортни траки и сл.)?
Дали вашата опрема е исправна за работа?
Дали вашата опрема има добиено решение за ставање во употреба?
Сигурноста и исправноста на техничката опрема е од пресудно значење како за безбедноста и за здравјето на вработените, така и за исполнување на планот за производство, а со тоа и за рентабилноста на вашата компанија.
Обуката може да ви помогне:
- Да дознаете која е опремата што подлежи на технички прегледи и за која е потребнo Решение за употреба пред да се пушти во работа;
- Кој е начинот и постапката за ставање на техничката опрема во употреба;
- Кој ги изведува техничките прегледи и периодичните испитувања на техничката опрема;
- Која е постапката за исполнување на условите за добивање на акредитација за вршење на технички прегледи и периодични испитувања;
- Кои се условите за Акредитираните тела по добивање на акредитација;
- Која е постапката по добивањето решение за употреба и доделувањето евиденциски број за техничката опрема;
- Кои се роковите за целосно завршување на постапката;
- Кои се казнените одредби и како да го намалите ризикот од можни казни.
Агенда:
- Одредби од Законот за техничка инспекција поврзани со користењето на техничката опрема
- Одредби од Правилникот за користење на дигалки и индустриски транспортери:
а) Општи одредби, поделба на техничката опрема по групи опфатена со овој правилник
б) Постапка за ставање во употреба и користење
в) Обврски на корисникот на техничката опрема - Временски распоред, активности, начин и постапка на вршење на технички прегледи и периодични испитувања
- Обврски по изведените периодични технички прегледи
- Кој ги врши техничките прегледи
- Постапка и обврски на независното правно лице при вршење технички преглед на техничката опрема
- Документација која ја следи техничката опрема при ставање во употреба и користење
- Законски рокови за постапување (преодни и завршни одредби од правилникот)
- Казнени одредби
Обуката е наменета за:
- Правни лица и физички лица кои поседуваат мостни дигалки, столбни дигалки со столб и кула, крански дигалки, подвижни и неподвижни конзолни дигалки;
- Возила со монтирани дигалки за подигнување и растоварување на товар и возила со монтирани дигалки за подигнување на лица на висини поголеми од 2 метри, дигалки за одржување на возила, виљушкари, сите видови механизми за подигање или влечење на товар пренесување и спуштање на товар
- Tранспортни траки за пренос на стока и сите видови на сипливи материјали метални и неметални минерални суровини,
- Сите видови транспортери за континуиран транспорт на товар кои се дел од технолошкиот процес и претставуваат посебна конструктивна целина наменета за фабрики, стоваришта, рудници за експлоатација на минерални суровини или изведувачи на рударски активности,
- Сервиси за сервисирање на возила, градежни фирми, независни правни тела кои вршат испитување на опремата и сервисери на опремата и слично.