Модели за настап на градежните компании на странски пазари
ризици и финансиски инструменти за обезбедување од ризиците
Македонските градежни компаниии во минатото многу повеќе беа застапени на странските пазари. Денес македонските градежни компании најчесто работат на домашен пазар. За да го зголемат своето работење, градежните компании потребно е да го прошират својот бизнис и на странските пазари.
Оваа обука ќе помогне да се согледаат предностите и слабостите на секој од начините за настап на странски пазар со цел да се избере најсоодветниот модел.
Преку оваа еднодневна обука, преку практични примери и вежби, ќе дознаете како да умеете да ги препознаете ризиците при настапување на странскиот пазар и да ги користите инструментите при договарање на изведба градежни објекти на странските пазари и истите да ги разберете на начин кој ќе ви помогне во донесувањето на вистински деловни одлуки.
Агенда:
- Вовед
o Состојби и перспективи на градежниот сектор во глобалната економија
o Градежниот пазар во глобалната економија
o Обем на интернационализација на македонското градежништво - Модели за настап на градежните компании на странски пазар
- Заеднички вложувања најзначајна форма за меѓународен настап на градежните компании
o Мотиви и придобивки од заедничките вложувања.
o Форми на заеднички вложувања во градежништвото: - Формирање на нова компанија
- Договорно партнерство
o Формирање на заедничките вложувања и проблеми при неговото функционирање. - Ризици при изведување на градежни објекти на меѓународните пазари
o Вкупен ризик при изведба на градежни работи на странски пазар
o Видови на инструменти за обезбедување од ризиците при изведување на градежни работи на странски пазари - Времен (гарантен) депозит
- Осигурување
- Клизна Скала
- Банкарски гаранции
- Документарен акредитив
- Готовински тек на градежниот проект и следење на профитабилноста на проектот
- Прашања и одговори
Обуката е наменета за:
Лица од областа на финансиското работење и сметководството во градежните компании, менаџери, управители на градежни компании, лица кои имаат потреба да ги осознаат моделите и инструментите кои градежните компании ги користат при настапување на странски пазар. Истата особено е корисна за лицата од градежните компании кои се директно вклучени во процесот на донесување деловни одлуки.