Обуката ќе се реализира со физичко присуство.
 
 06 јуни 2023 година (петок)
10:00 – 14:00 часот
Институт КОНЦЕПТ, Скопје

Во денешното време на брзи промени, турбулентни односи, приватни и деловни, повеќето поединци се обидуваат да се справат со стресот. Денес стресот е еден од главните предизвикувачи на злоупотреба на работното место, а најлошото е што злоупотребата, без разлика дали е психичка или сексуална, станува се’ почеста на работното место. Овој вид на злоупотреба денес е познат како мобинг.

Треба да се истакне дека мобингот со себе носи штетни последици како за жртвата и нејзината психолошка и здравствена состојба, така и за организацијата во која се јавува, но и за средината во која работи организацијата. Со оглед на актуелноста и се’ почестата појава на овој проблем во организациите, спречувањето и пред се’ ширењето на свеста за штетноста на мобингот е важно за целото општество.
Овој проблем подеднакво негативно влијае на работодавачот во чија организација се јавува. Со цел да се спречат ситуации на вознемирување на работното место, работодавците треба да развијат програми за превенција за да спречат насилство.

Фокусот на оваа обука е разгледување на сите аспекти кога станува збор за вознемирување на работното место, од дефинирање на мобингот како форма на злоупотреба, преку правата, обврските и одговорностите на работодавачот и на вработените, па се’ до судската заштита (тужба, видови на тужба, товар на докажување и привремени мерки). Со цел да се спречат ситуации на вознемирување на работното место, важно е да се имаат во предвид сите страни, со цел соодветно реагирање и развивање на соодветна програма за превенција за спречување насилство.

Во рамки на обуката, ќе се обработува и темата за постапка за откажување на договорот за вработување со отказ од повеќе причини.

Сите учесници на обуката ќе бидат во можност да поставуваат прашања кои се однесуваат на Законот за ЗРО.