Обуката ќе се реализира со физичко присуство.
25 октомври 2023 година (среда)
9:30 – 15:00 часот
Институт КОНЦЕПТ, Скопје

ЦЕЛИ НА ОБУКАТА

Со измените и дополнувањата на Законот за данокот на додадена вредност, следејќи ги измените на Директивата на Европската Унија со која се уредува данокот на додадена вредност, се врши доусогласување во делот со кој се уредува местото на промет, се воведува терминот даночен застапник со цел нерезидентните странски лица кои немаат седиште, а кои вршат промет на добра и услуги во нашата земја да можат да го пресметаат и платат данокот на додадена вредност на даночниот орган, се врши уредување на даночниот третман на прометот на добра и услуги со примена вредносни ваучери, a воедно се допрецизираат одредбите со кои се уредува ослободување од данок на додадена вредност а кои се однесуваат на дипломатските и конзуларните претставништва, вклучувајќи ги и инволвираните странски лица.
Во делот кој се однесува на даночните стапки, се врши ревидирање на истите во делот на примена на повластена стапка, а во насока на усогласување со Eвропското право следејќи ги ограничувањата кои се поставени и тоа преку зголемување на стапката на ДДВ од 5% на 10% на производи за човечка исхрана, кои не се дел од основните производи потребни за човечка исхрана, се врши намалување на стапката од 18% на 5% за прометот со ментруални производи со цел поттик за поголема заштита и хигиена кај одредена група на граѓани, исто така се намалува даночната стапка за дигиталните учебници, а воедно се зголемува даночната стапка за прометот и увозот на пелети, печки на пелети и котли на пелети од повластена даночна 5% на редовната стапка од 18%.
Рестриктивните мерки имаат за цел одржување на меѓународниот мир, безбедноста, почитувањето на човековите права и основните слободи и развојот на демократијата и владеењето на правото.
Истите се воведуваат, изменуваат или престануваат врз основа на: а) правно обврзувачки резолуции на Советот за безбедност на Обединетите нации; б) правни акти на ЕвропскатаУнија; в) правни акти на други меѓународни организации во кои членува Република Македонија во согласност со меѓународното право; г) барање од надлежен орган на друга држава за воведување, изменување или престанување на важење на финансиски мерки против тероризам и/или пролиферација или д)други акти согласно Законот за рестриктивни мерки („Службен весник на Република Македонија“бр.190/17).
Спроведувањето на рестриктивните мерки е во надлежност на повеќе институции.