Практична обука:
I. НОВА УРЕДБА ЗА КАНЦЕЛАРИСКО И АРХИВСКО РАБОТЕЊЕ
(донесена на 25 јуни 2026 година)
II. ПРАВИЛНИК ЗА ФОРМАТА, СОДРЖИНАТА, НАЧИНОТ НА ВОДЕЊЕ И ОДРЖУВАЊЕ И НАЧИНОТ НА УПРАВУВАЊЕ СО ИНФОРМАЦИСКИОТ СИСТЕМ ЗА КАНЦЕЛАРИСКО И АРХИВСКО РАБОТЕЊЕ
И
III. ОБРАБОТКАТА И СКЛАДИРАЊЕТО НА ДОКУМЕНТАЦИЈАТА
ВЕЌЕ БАРА ДИГИТАЛИЗАЦИЈА – СИСТЕМ ЗА УПРАВУВАЊЕ ДОКУМЕНТИ
СО ПОСЕБЕН ОСВРТ НА ЕЛЕКТРОНСКИ ДОКУМЕНТИ,
Е-ФАКТУРИ И НИВНО ДОЛГОРОЧНО ЧУВАЊЕ
Начин на реализација: со физичко присуство
ЦЕЛИ НА ОБУКАТА
Новата Уредба за канцелариско и архивско работење и Правилник за формата, содржината, начинот на водење и одржување и начинот на управување со информацискиот систем за канцелариско и архивско работење, донесени на 25 јуни 2026 година, претставува суштинска промена во начинот на кој институциите и приватните иматели управуваат со својата документација. Таа е тесно поврзана со Законот за архивски материјал (2025) и ја конкретизира неговата примена во секојдневното работење.
Главниот акцент е ставен на дигитализацијата и воспоставувањето на современ систем за управување со документи, кој овозможува ефикасно процесирање, складирање и долгорочно чување на електронски записи. Особено внимание се посветува на електронските документи и е-фактурите, кои стануваат составен дел од архивската практика и бараат јасни правила за нивно обработување и заштита.
Со оваа Уредба и Правилникот се воведуваат:
- нови стандарди за канцелариско и архивско работење,
- јасна поделба на обврските меѓу јавни и приватни иматели на архивски материјал,
- нови рокови и процедури за планови и листи,
- интеграција на национален архивски информациски систем.
Обуката ќе биде практично ориентирана и ќе вклучи презентација на систем за управување со документи, со акцент на начинот на обработка, чување и уништување на електронски документи. Дополнително, учесниците ќе имаат можност да видат конкретни примери за обработка и архивирање на е-фактури, како и нивно долгорочно чување и складирање.
ПРОГРАМА:
I дел
- Вовед · Цели на новата Уредба · Врска со Законот за архивски материјал (2025) · Клучни новини: дигитализација, национален информациски систем, електронски документи
- Правилник за формата, содржината, начинот на водење и одржување и начинот на управување со информацискиот систем за канцелариско и архивско работење. Основни барања за форма и содржина · Начин на водење и одржување на системот · Управување со информацискиот систем и практична примена
- Основни начела и дефиниции · Основни принципи во архивската дејност · Нови поими и терминологија во Законот и Уредбата
- Поделба на иматели на архивски материјал · Јасна поделба меѓу јавни и приватни иматели · Посебни критериуми и обврски за јавни иматели
- Планови и листи · План на архивски знаци · Листа на архивски материјал (трајна вредност) · Листа на документарен материјал со рокови на чување · Нови рокови за доставување и ажурирање на планови и листи · Практична изработка на посебен дел од Планот
- Организациски единици и канцелариско работење · Улога на писарницата (физичка и виртуелна) · Прием, прегледување и заведување на документи · Метаподатоци и деловоден број · Административно-техничка обработка и разведување · Одлагање и класификација на предмети
- Архивско работење · Одбирање архивски од документарен материјал · Попис и опис на архивски материјал · Постапка за уништување на документарен материјал со истечен рок · Предавање на архивски материјал во Државниот архив
- Регистри · Регистар на архивски фондови и збирки · Регистар на иматели на архивски и документарен материјал · Регистар на информациски системи
- Чување и заштита · Простор и услови за хартиен материјал · Чување и миграција на електронски записи · Заштита на лични податоци и класифицирани информации
- Информациски систем · Национален архивски информациски систем · Функционалности: метаподатоци, логови, извештаи · Интероперабилност и поврзување со други системи · Безбедност и заштита на податоци
- Нови подзаконски акти · Примена на новите акти · Споредба со стариот закон – главни разлики
- Заклучок · Обврски на институциите и приватните иматели · Контрола и надзор од Државниот архив · Прашања и одговор
II дел
Презентација на систем за управување со документи
- Архивирање на документација
- Распределба на документација
- Складирање на документација
- Дигитални бизнис процеси
- Е-фактури
- Заклучоци и препораки за институциите и компаниите
ПРЕДАВАЧИ:
– Диме Јуруков, поранешен заменик директор на Државниот архив на Македонија и долгогодишен предавач на теми од областа на архивското работење.
– Марија Андоновска, оперативен директор од Македонски бизнис системи.
ЦЕЛНА ГРУПА:
- Јавни институции – министерства, агенции, инспекторати, општини и други органи на државна управа кои се иматели на јавен архивски материјал.
- Приватни компании и организации – правни лица кои создаваат и чуваат документарен материјал со деловна и правна важност.
- Стручни лица за архивско работење – архивисти, службеници за канцелариско работење, лица задолжени за управување со документација.
- ИТ и административен персонал – вработени кои работат со електронски документи, е-фактури и системи за управување со документи.
- Раководители и менаџери
За сите учесници ќе биде обезбедено:
• работен материјал
• сертификат за присуство
• кафе и освежување
• закуска
Котизацијата за еден учесник изнесува 6.000 + ДДВ.
За секое наредно лице од иста компанија котизацијата изнесува 5.500+ДДВ.
Сите заинтересирани за учество можат да се пријават најдоцна до 24 август 2026 година.

