13 октомври 2026 година (вторник)
18:00 – 21:00 часот
Институт КОНЦЕПТ, Скопје
ВОВЕД:
Сметководството и сметководствената администрација претставуваат значаен дел од работењето на секоја организација, без разлика дали станува збор за јавен или приватен сектор. Потребата од стручен кадар во оваа област е постојано присутна, што го прави сметководството една од најбараните професии на пазарот на трудот.
Во таа насока, Институт КОНЦЕПТ организира курс, наменет за лица кои сакаат да стекнат основни знаења и практични вештини од областа на сметководството и сметководствената администрација.
Програмата за занимањето „Службеник во книговодство“ е верифицирана од Центар за стручно образование и обука и одобрена од Министерството за образование и наука.
Учесниците кои успешно ќе ја завршат обуката ќе се стекнат со официјална диплома за „Службеник во книговодство“, согласно верифицираната програма, призната во системот на формалното образование.
Програмата е конципирана така што преку комбинација на теоретска настава и практични вежби, учесниците ќе стекнат знаења и вештини за самостојно следење и евидентирање на основни сметководствени процеси.
Придобивки од Курсот:
- учесниците по завршувањето на курсот ќе бидат комплетно подготвени за работа во секторот сметководство
- сите учесници ќе добијат сертификат согласно МОН
- ефективни предавања и практична работа на сметководствен програм
- мала група
- 108 училишни часа, 12 недели, 2 средби неделно
По завршување на програмата учесникот ќе биде способен да:
- препознава и разбира финансиски извештаи;
- применува основни сметководствени принципи и правила на евиденција;
- води деловни книги и сметководствена документација;
- користи контен план и основни сметки;
- евидентира деловни настани и сметководствени промени;
- изготвува биланс на состојба и биланс на успех;
- разликува и евидентира постојани и тековни средства;
- разликува и евидентира капитал и обврски;
- разликува и евидентира приходи и расходи;
- пресметува и утврдува финансиски резултат.
Секоја тематска целина опфаќа теоретски дел и практични вежби, со акцент на примена на стекнатите знаења во реални ситуации. На крајот на секоја тематска целина е предвидена проверка на стекнатите знаења.
Распоред на настава:
Два пати неделно (вторник и четврток) од 18:00 до 21:00 часот во просториите на Институт КОНЦЕПТ.
Преку стручни предавања, практична работа и работа со сметководствен софтвер учесниците ќе стекнат цврста основа за работа во областа на сметководството, книговодството и сметководствената администрација.
ПРОГРАМА НА КУРСОТ
1. ВОВЕД ВО СМЕТКОВОДСТВОТО И СМЕТКОВОДСТВЕНИОТ СИСТЕМ
- Основи на сметководството и книговодството
- Улога и значење на сметководството
- Корисници на сметководствени информации
- Законска рамка и сметководствени принципи
2. ПОДГОТОВКА И ПРЕЗЕНТАЦИЈА НА ФИНАНСИСКИ ИЗВЕШТАИ И СМЕТКОВОДСТВЕНА ЕВИДЕНЦИЈА
- Концепти за подготовка и презентирање на финансиски извештаи
- Цели и корисници на финансиските извештаи
- Структура на финансиски извештаи
3. СРЕДСТВА И ИЗВОРИ НА СРЕДСТВА
- Поим и видови на средства
- Основни категории на средства
- Извори на средства
4. ПРИХОДИ, РАСХОДИ И ФИНАНСИСКИ РЕЗУЛТАТ
- Поим и видови приходи
- Поим и видови расходи
- Финансиски резултат (добивка и загуба)
5. ОСНОВИ НА ДВОЈНО КНИГОВОДСТВО
- Систем на двојно книговодство
- Дебит и кредит (основна логика)
- Основни правила на книжење
- Сметководствени записи во практика
6. КОНТЕН ПЛАН И ДЕЛОВНИ КНИГИ
- Контен план и основни сметки
- Сметководствена документација
- Основни деловни книги (дневник и главна книга)
- Сметководствена евиденција од документ до финансиски извештај
7. ПРАКТИЧНА НАСТАВА
– Евиденција на постојани средства
- Набавка на постојани средства
- Амортизација
- Продажба и расходување
– Евиденција на тековни средства
- Пари и парични еквиваленти
- Побарувања од купувачи, вработени и останати побарувања
- Залихи на суровини и материјали, ситен инвентар, производство во тек, готови производи и трговски стоки
- Временски разграничувања
– Евиденција на обврски
- Долгорочни и краткорочни обврски
- Обврски кон добавувачи, вработени и останати обврски
- Сметководствени документи за настанување и плаќање на обврски
– Евиденција на плати и лични примања
- Основи на пресметка на плата
- Обработка и книжење на плата
– Евиденција на капитал и резерви
- Основачки капитал
- Зголемување и намалување на капитал
- Законски и статутарни резерви
– Евиденција на приходи, расходи и финансиски резултат
- Приходи од редовно работење, финансиски и останати приходи
- Оперативни и финансиски расходи
- Утврдување на финансиски резултат
– Евиденција на даноци
- Данок на добивка
- Данок на личен доход
- Данок на додадена вредност
- Даночни пријави и евиденции
– Изработка на финансиски извештаи
- Биланс на состојба
- Биланс на успех
– Извештај за парични текови и промени во капитал
– Изработка на целосен практичен пример
- Од книговодствен документ до финансиски извештаи
- Контирање, книжење и заклучување на сметките
- Подготовка на завршна сметка
ЗА КОГО Е НАМЕНЕТ КУРСОТ:
Наменет за почетници во областа на сметководството, студенти и вработени лица коишто се на позиција сметководствена администрација, како и оние лица коишто имаат допирна точка со сметководство или пак сакаат теоретски и практично да го научат.
ПРЕДАВАЧ:
Експерт со долгогодишно искуство во областа на сметководственото работење.
Котизацијата за еден учесник изнесува:
20.000 денари + ДДВ.
Можност за плаќање на 4 рати.
Сите заинтересирани за учество можат да се пријават најдоцна до 9 октомври 2026 година.

